الرئيسيةآخر الاخبارعصام الحضري : بشجع الزمالك لما يلعب في افريقيا
آخر الاخباراخبار محلية

عصام الحضري : بشجع الزمالك لما يلعب في افريقيا

قال عصام الحضري حارس مرمى منتخب مصر والنادي الأهلي السابق في تصريحات لبرنامج اوضة اللبس مع احمد حسام ميدو:

نصيحه للحكام يجب اللجوء إلىVAR في أي لعبة فيها شك أو ممكن تكون مصدر جدل لقطع الشك باليقين. 

و أعطى مثالاً لحاله في مباراة أمس بين الأهلي و إنبي في الدورى الممتاز

لكرة مشتركة بين الشناوي حارس مرمى الأهلي و مهاجم فريق إنبي قائلاً

“عندما شاهدة اللعبة لأول مرة اعتقد انها ضربة جزاء ولاكن عندما شاهدتها اثنين و ثلاثة و أربعة قولت لأ مافيهاش حاجة “

ناهيا تصريحاته قائلاً لازم الحكم يقطع الشك باليقين.

وأشاد الحضري بمحمود جاد حارس مرمى إنبي قائلاً” محمود حارس ممتاز بالنسبة لسنه و مبيخافش

ولازم ينضم للمنتخب الاولمبي طول ما مستواه في تزايد مستمر حتى لو في مشاكل مع مدرب حراس المرمى.

وعن مباراة الزمالك اليوم أمام الاتحاد السكندري وتعادل الفريقين بهدف لمثله  قال الحضري :

الزمالك أهدر الظفر بنقاط المباراة الثلاثة بمنتهى السهولة على الرغم من الفرص الكثيرة على مرمى الاتحاد

فأنا وبتفرج على المباراة حاسس ان الاتحاد هيجيب جون في اى وقت وهو ما حدث بالفعل.

واضاف بأن الزمالك عمل مباراة كويسه جدا في المعظم ولكن و أنت عامل مباراة كبيرة

و اتيحت لك كل الفرصة ده ما ينفعش تبقى كسبان 0/1 بس ولو أنا حارس مرمى الزمالك ودخل فيا هدف التعادل في الوقت ده “هتجنن”

وأكد  الحضري :

بأن مشكله الكورة المصرية أن لاعيبة الأندية بتدخل مبارايات الاهلي و الزمالك بتقول:

لو طلعت بنقطة يبقى أنا كسبان.لا لو هدفك تطلع بنقطة تبقى خسرت

الاتحاد خطف نقطة مستحقة من الزمالك نزل مهاجم ولازم أي لاعب ينزل يتمتع مينفعش يدافع 90 دقيقة.

واضاف الحضري: لعبت في فريق متوسط زي وادي دجله تحت قيادة كارتيرون وكنا بنلعب بشكل هجومي قصاد كل الأندية

وعملنا موسم كويس و حققنا مركز رابع في الاخر قائلاً”طول ما انت بدافع 90 دقيقة طبيعي هتغلط

وهتخسر برضه عملت ايه بقى ولا حاجه الخسارة واحد زي اتنين زي تلاته.

وعن عبدالله السعيد قال الحضري :

لما عبدالله ساب الاهلي و راح السعوديه الناس قالت ده انتهي لكنه أثبت العكس تماماً

وارقامه زادت بشكل كبير الفترة دى لأنه لاعب يمتلك شخصية فريدة من نوعها بعيدا عن إمكانياته في كرة القدم.

واضاف الحضري: أحترم جميع الأندية المصرية ولكن بكل منطقية المركز الاول محسوم للنادي الاهلي هناك منافسة على المركز الثاني

من حق لاعبي الزمالك الزعل في حالة اهدار أي نقطة لكن مش للدرجة دى

لأن في الأول و الاخر ده دورى لازم لاعبيه الزمالك تركز في البطولة الأفريقية اكتر من اى شئ

علشان الأخطاء دى متتكررش في البطولة الأهم بالنسبة لهم.

تعادل اليوم هيفوق لاعيبة الزمالك كتير في الفترة إللي جاية وهيبدأ يكسب 2؛3 علشان لما يروح افريقيا يكسب 2؛3

وانهي الحضري تصريحاته قائلاً”على الرغم إن انتمائي للأهلي بشجع الزمالك لما بيلعب في أفريقيا.

اترك تعليقاً